Të ndërtosh pallate gjigante me arkitekturë unike, nuk është e thënë të jesh vetëm i trajnuar në këtë fushë. Mjafton të jesh kreativ, punëtor dhe për asnjë moment të vetëm të mos ndalesh, deri në arritjen e qëllimit, përkundër shumë sfidave që mund të dalin përpara.
Dhe, më së miri ëndrrën realitet për të realizuar diçka unike, e ka bërë një postier francez i cili ka ndërtuar një pallat epik nga mbledhja e guralecëve, i cili qëndron lart si një punë arti në shtetin e Francës, duke u dalluar nga pallatet e tjera që gjenden në këtë shtet.
Fjala është për postierin francez Ferdinand Cheval, i cili pa asnjë trajnim artistik në fushën e arkitekturës kaloi 33 vite duke forcuar këtë strukturë të jashtëzakonshme.
Ndërtimi i këtij pallati nga Cheval filloi në vitin 1879, dhe pas një pengese nga një gur i fortë i cili inspiroi ëndrrën e tij, pallati u kompletua më 1912.
Postieri Cheval filloi ecjen e tij 18 milje (29 kilometra) me një karrocë dore ku mbledhte gurë të tjerë të fuqishëm për të ndërtuar pallatin.
Pallati ideal gjendet në Hauterives, një qytet në juglindje të Francës. Pothuasje gjatë tërë vitit ky pallat është hapur për vizitorë dhe gjithashtu shpesh shërben edhe si vendtakim për koncerte të jashtëzakonshme dhe ekspozita arti.
Lexues të nderuar, nëse ju vendosni të udhëtoni në Francë, ju rekomandojmë ta vizitoni këtë vend të mrekullueshëm sepse nuk do të zhgënjeheni. /tesheshi.com/
