Gjatё viteve tё fundit kemi filluar të mësohemi me njё gjendje ku ngjarjet janё zhvilluar rregullisht, e janё bёrё pjesё e historisë. Jetojmë në një epokë tё tranzicionit nga Lufta e Ftohtë në njё model akoma tё panjohur.
Historia e marrëdhënieve ruso-amerikane i ka fillimet e saj në fund të shekullit XVII, kur SHBA-të nuk ishin si shtet i pavarur. Kontakti i parё midis kёtyre dy vendeve ka ndodhur nё vitin 1698, kur William Penn-i, themeluesi i kolonisë britanike, u takua me Pjetrin e Parё. Fundi i viteve ’20 dhe fillimi i viteve ’30 lidhet me fillimin e një dialogu të ri politik midis Bashkimit Sovjetik dhe Shteteve tё Bashkuara, që ka luajtur një rol të rëndësishëm nё marrёdhёniet tregtare.
Por gjatё Luftës së Dytë Botërore marrёdhёnia u pasua nga një ndryshim objektiv midis Bashkimit Sovjetik dhe aleatit të tij të mëparshëm. Kronologjia pёrcaktohet jo vetёm nga ndryshimi i kursit politik të Bashkimit Sovjetik, por gjithashtu edhe nga ndryshimi i dukshëm në marrëdhëniet ndërkombëtare pas përfundimit të Luftës së Dytё Botёrore.
Marrёdhёniet midis SHBA-ve dhe Rusisё vazhdojnё tё jenё tё acaruara edhe pas takimeve diplomatike tё zhvilluara mes palёve. Sanksionet kundёr Rusisë vazhdojnё tё kenë akoma vend kryesor nё ecurinë e ngjarjeve midis dy superfuqive.
Por a do t’i hiqen Rusisё sanksionet nga Shtetet e Bashkuara dhe Bashkimi Europian nё vitin e ardhshёm?
Duke parё pozitёn e dy vendeve, SHBA-të nuk do i tërheqin sanksionet për një kohë të gjatë, vetëm për shkak se sistemi politik amerikan për heqjen e tyre nuk është akoma i përshtatur. Nëse hyjnë nё fuqi, është jashtëzakonisht e vështirë që ato të ndryshohen. Ose duhen zëvendësuar me të tjera, ose duhen tё ndryshohen nё njё koncesion shumë serioz.
Pёr sa u pёrket sanksioneve tё Bashkimit Europian, gjendja është ndryshe nga situata e Shteteve tё Bashkuara tё Amerikёs. Duke parё situatёn në Europë, vendet europiane nuk e dinë se çfarë të bëjnë me to, pasi politika vetё ёshtё e paqartё. Gjithashtu, heqja e sanksioneve varet nga fuqia e vullnetit tё politikanëve europianё, por edhe nga aftësia e tyre për t’i mbrojtur interesat kombëtare të vendeve të tyre. Me kalimin e kohёs, nё mёnyrё formale shumica e sanksioneve mund të anulohen. Mbase sanksionet simbolike mbi Krimenë nuk do i heqin, por sanksionet ekonomike gradualisht do fillojnё t’i eliminojnë.
Rrjedhja e ngjarjeve nё vazhdimёsi, edhe pasi askush nuk e di se çfarё do ngjasë, mund tё çojё qё sanksionet të bëhen normë e marrëdhënieve tё shteteve, ndoshta edhe blloqeve, për të arritur njё ekuilibër të situatёs. /tesheshi.com/
