Ndonjëherë idetë gjeniale vijnë pa pritur e pa pandehur. Është pikërisht kjo ajo që i ndodhi Alex Craig, i cili sapo u shpjegoi miqve të vet se çfarë kishte në mendje, shtoi se ishte një çmenduri e vërtetë.
Pavarësisht se edhe miqtë e cilësuan si një budallallëk idenë e Alex, ai nuk i dekurajua por nisi një biznes unik në llojin e tij. Quhet Patato Parcel dhe ideja është shumë e thjeshtë: mesazhe anonime që shkruhen në një patate dhe që më pas dërgohen në një destinacion të caktuar, pasi porositen nga dikush.
Edhe pse nuk pritej, suksesi i kësaj iniciative ishte i menjëhershëm dhe shumë më i madh nga parashikimet. Ditën e dytë të shitjeve online, sajti i promovuar në Reddit arriti në 2000$ porosi. Alex ka shitur mbi 2000 patate me një fitim neto prej 10.000$ në muaj, që prej majit.
Patatet shiten në bazë të përmasave dhe variojnë nga 8 dollarë për 100 karaktere, në 10 dollarë për 140 karaktere të shkruara. Alex është shembulli se si një iniciativë dhe idetë e mira nuk të lënë pa bukë dhe gjithmonë të paguajnë, ndaj nuk duhet të ndaleni para vështirësive dhe të tentoni përherë./tesheshi.com/
