Tre emigrantë të paligjshëm të kamufluar si shkurre u përpoqën të hynin në shkretëtirën e New Mexico-s në SHBA nga Meksika, por u panë nga agjentët e Patrullës Kufitare, tha agjencia federale të enjten.
Fotot e postuara në llogaritë e rrjeteve sociale të Patrullës Kufitare tregojnë tre burrat të veshur me të ashtuquajturat kostume kamuflazhi, të cilat përdoren shpesh nga gjuetarët.
Në këtë rast, maskimet duhej të dukeshin si shkurre në shkretëtirë pranë Santa Teresa, New Mexico. Pavarësisht kamuflazhit, emigrantët u pikasën nga agjentë të Patrullës Kufitare.
“Njerëzit që hyjnë ilegalisht në SHBA shpesh përdorin taktika të pazakonta për të shmangur zbulimin dhe arrestimin”, shkroi të enjten shefi i Patrullës Kufitare të SHBA, Gloria Chavez. /tesheshi.com/
