Në Indexin Global të Terrorizmit raportuar nga Instituti për Ekonomi dhe Paqe si dhe nga raporti i Departamentit Amerikan të Shtetit Byroja e Antiterrorit, në vitin 2012 nuk figuron Maqedonia si vend ku janë zhvilluar aktivitete terroriste. Në të vërtetë, në atë vit Ballkani është prek nga terrorizmi. Atëbotë pikërisht në aeroportin e Burgasit në Bullgari u vranë nga sulmi terrorist disa turistë izraelitë, ndërsa një vit më vonë, autoritetet bullgare pohuan që pas këtij sulmi qëndron Hezbullahi libanez!
Në raportin e State Departmentit për vitin 2012, kur flitet për aktivitetet terroriste në Ballkan gjithashtu përmendet edhe Greqia. Një grup nën emrin “Lëvizja 12 Shkurti” -kryesisht lëvizje anarshiste- me 25 shkurt morri përsipër përgjegjësinë për një sulm të dështuar me bombë në Athinë.
Më 27 qershor të vitit 2012, një grup i quajtur “Sjellja Devijante për Zgjerimin e Terrorizmit Revolucionar- Fronti Revolucionar Ndërkombëtar”, pretendoi se kishte kryer sulmin terrorist afër ndërtesës së Microsoftit në kryeqytetin grek. Departamenti i Shtetit këtë rast e raporton si vepër kundër interesave të ShBA-së.
Në bazë të raportit, në vitin 2012 çmohet, madje thuhet që është shënuar progres në bashkëpunimin e Kosovës me ShBA-të në betejën kundër terrorizmit!
Sipas Indexit Global të Terrorizmit duke iu referuar raportit të vitit 2015- thuhet që shumica e vdekjeve nga terrorizmi nuk ndodhin në vendet perëndimore. Duke përjashtuar sulmin e 11 shtatorit, vetëm 0.5 përqind e vdekjeve nga terrorizmi kanë ndodhur në Perëndim që nga viti 2000.
Madje interesant është fakti se, raporti përmend që fundamentalizmi islamik nuk ishte shkaku kryesor i terrorizmit në Perëndim gjatë nëntë viteve të fundit, gjithnjë duke iu referuar vitit 2015, ndërsa 70% e vdekjeve nga sulmet terroriste që janë kryer në Perëndim, vijnë kryesisht nga ato që, studimet mbi terrorizmin e quajnë (lone wolf terrorism), këtu përfshihen individët ose një grup individësh që kryejnë sulme për të mbështetur një ideologji të caktuar. 80% e vdekjeve nga sulmet e kësaj kategorie të terrorizmit, kryhen nga grupet e ekstremit të djathtë, grupet nacionaliste etj..
Nuk ka mundësi që në Maqedoni në vitin 2012 të kish pas sulme terroriste, aq më tepër me indicie të “terrorizmit islamik”, që kanë qenë dorë e zgjatur e Al Kaida-s së Pakistanit e Afganistanit, (siç thonte Jankullovska), Hizbullahut të Libanit, Xhihadit Islamik të Gazës, Boko Haramit të Nigerisë, ose Shebabu’l Muxhahedinit të Somalisë, e të mos figuronte në Indexet dhe raportet ndërkombëtare mbi terrorizmin! /tesheshi.com/
Shënim nga redaksia: Shkrimi i morr nga FB i autorit me rekomandimin e tij.
Ai i kushtohet procesit disavjeçar “Monstra” në Maqedoni, në të cilin janë dënuar disa shqiptarë, me akuza që si nga ata e si nga opinion shqiptar konsiderohen spekullative kur është fjala për terrorizëm.
