Saif al-Islam, i biri i Gaddafit, ish-liderit të Libisë, është i lindur më 25 qershor 1972 në kryeqytetin libian Tripoli.
Në rrethana e krijuara në Libi, nga shumica e popullatës, ky shihet si personaliteti më i përshtatshëm për udhëheqjen e Libisë, për nxjerrjen nga kaosi e anarkia dhe kthimin e paqes në vend, prandaj autoriteti e besimi ndaj tij po shtrihen kudo.
Saif Al-Islam, po ashtu është personalitet me përgatitje profesionale dhe me kulturë të gjerë.
Pas studimeve në vend, ky studimet e Masterit i ka vazhduar në Vjenë, për administrim biznesi, ku u certifikua nga Shkolla e Biznesit Ndërkombëtar. Në atë kohë, ai u miqësua me Jörg Haider, udhëheqësin e ndjerë të së djathtës populiste austriake.
Pastaj, studimet e doktoraturës i ka vazhduar në Shkollën e Ekonomisë dhe Studimeve Sociale në Universitetin e Londrës (LONDON SCHOOL OF EKONOMICS).
Si personalitet i gjithanshëm që është, është i përkushtuar edhe ndaj artit të pikturës, ku edhe ka organizuar shumë ekspozita arti në vende të ndryshme të botës.
Ky është dhe drejtues i Fandacionit Ndërkombëtar për Bamirësi dhe Zhvillim “Gaddafi”, e cili u themelua me 1998 ne Gjenevë, dhe që ka si qëllim zhvillimin, humanitetin, bamirësinë, krijimin dhe forcimin e marrëdhënieve bashkëpunuese me popullatën lokale, institucionet rajonale dhe ndërkombëtare.
Më 2007-ën prezantoi projektin e modernizimit të Libisë – “Libia e neserme”, e cila kishte per qëllim që të ndryshojë qasjen ekonomike, sociale dhe kulturore të Libisë, si dhe të hapet para botës me një vizion të ri, gjë që u pranua gjerësisht brenda dhe jashtë vendit.
Ky u tregua largpamës në identifikimin e rreziqeve me të cilat përballej vendi, ku në 2011 paralajmëroi për situatën rrezikshme në të cilën ballafaqohej Libia pas fillimit të rebelimit të armatosur kundër regjimit atëhershëm.
Saif Al-Islami, në televizionin libian “Al- JAMAHIRIJA” deklaroi se mund të ndodh lufta civile, shteti të ndahet, paqja dhe siguria qytetare dot jetë e rrezikuar, do vijë stanjimi ekonomik dhe do krijohet mundësia e implikimit të grupeve te ndryshme radikale në gjithë vendin.
Pas likuidimit të të atit, Gaddafit, si dhe disa anëtarve të familjes së tij, si dhe rënies së shtetit libian, Saifi Al-Isalam u burgos deri më 2015, ku u lirua pas aprovimit të ligjit për amnisti të përgjithshme nga parlamenti libian. Edhe ka qenë pjesë e pushtetit, ai nuk mbahet mend nga populli për veprime të këqija.
Që nga koha e lirimit nga burgu, Dr.Saif al-Islam ka luajtur një rol të spikatur në pajtimin dhe unitetin e atdheut. Duhet të përmendet rasti i pajtimit të dy fiseve libiane, Evlad Al- Sulejman dhe Gaddafian (bijtë e Sulejmanit dhe Gaddafianet).
Ky ka haptazi ka shprehur aspirata për t’u kthyer në jetën politike të vendit. Këtë e ka dëshmuar në intervisten e dhënë në gazetën “London Times”, në të cilën tha se “planifikon të kthehet në jetën publike dhe synon të kandidojë në zgjedhjet e ardhshme presidenciale”.
Vetë situata e komplikuar në Libi, konfliktet e brendshme, përçarjet, implikimet e fuqive te jashtme, pasiguria, rënia e standartit e qytetareve, e bëjnë, Dr. Saif Al-Islam një lider të shpresës për popullin libian. /tesheshi.com/
*Politolog
