Diplomacia ekonomike ka të bëjë me tërheqjen e investitorëve të huaj, gjithashtu një tërheqje më e madhe e vëmendjes dhe interesimit edhe të institucioneve ndërkombëtare financiare, të cilat e kanë përkrahur vendin tonë tash e 19 vite nga përfundimi i luftës, gjithashtu roli i diplomacisë ekonomike është të ruaj reputacionin e vendit karshi investitorëve të huaj por edhe të vendit sidomos në kohë krizash, siç kishim rastin e arrestimit të ashtuquajturit zyrtar i Qeverisë së Serbisë për Kosovën Marko Gjuriq, dhe depërtimi i 6 shtetasve turq të akuzuar për pjesëmarrje në grusht shtet në Turqi, pra shumë vende të rajonit po e përdorin diplomacinë ekonomike për të tërhequr investime të huaja në vendet e tyre dhe ato kanë pasur rezultate në këtë aspekt.
Për këtë qëllim angazhohen departamente të veçanta në kuadër të ministrive të jashtme, por edhe në vizita të liderëve shtetërorë pjesë e delegacionit janë shpesh edhe grupe të bizneseve të suksesshëm apo përfaqësues të odave ekonomike, të cilat përfaqësojnë bizneset.
Ajo çka është e çuditshme sipas mendimit tim, lufta e ashpër e disa mediave dhe krerëve të shtetit ndaj Turqisë, një duhet me ditë populli turk nuk është naiv, nuk ka faj një popull nëse aktualisht ka një president a kryeministër të keq apo edhe të mirë, prandaj duhet pas kujdes, mos harroni investimet turke në Kosovë kalojnë mbi 380 milionë euro, me mbi 800 biznese të regjistruara, aktualisht Turqia është duke përgatit rreth 140 ushtarak djem dhe vajza nga Kosova të cilët janë duke marr mësimet e duhura në mënyrë që t’i kthehen vendit dhe të jenë në shërbim të tij, e gatshme që të armatos Kosovën ashtu siç armatosi Shqipërinë, mund ti kuptoj disa lloj analistë që edhe nuk kanë mençurin e duhur, por s’mund të kuptoj krerët e vendit me gjithë këto kërcënime ndaj shteti mik turk, pavarësisht se çka ka ndodh, personalisht nuk pajtohem me mënyrën e arrestimit dhe depërtimit të tyre, por kjo është në duart e AKI-së dhe të shtetit, nuk ka vend për deklarata politike, andaj edhe mendoj se diplomacia ekonomike duhet t’i ndez motorët dhe të fokusohet që të ruaj perceptimin e mirë që investitorët e huaj kanë krijuar për vendin, sidomos një kujdes i veçantë ndaj investitorëve turq.
Kosovën e presin shumë sfida në një të ardhme të shpejt, o sot o kurrë kemi nevojë për miq, kemi para vetes anëtarësimet në UNESCO, INTERPOL, NATO, e shumë organizma ekonomik e politik ndërkombëtare, andaj duhet maturi dhe diplomaci të matur, se pari duhet që ti kryejmë detyrat tona të shtëpisë pastaj të kërcënojmë të tjerët.
Duke e marrë parasysh këtë situatë, Oda Ekonomike e Kosovës (OEK) në vazhdimësi ka kërkuar që të ketë një angazhim më të madh të institucioneve sa i përket diplomacisë ekonomike. Krerët e OEK-ut kanë thënë se për të pasur një strategji për diplomaci ekonomike të mirëfilltë dhe nëse mendohet se ajo duhet te ketë sukses, nevojitet një bashkëpunim edhe me mekanizmat ekonomike që veprojnë në Kosovë.
Është e udhës që Ministria e Punëve të Jashtme të funksionalizojë ato departamente dhe të jetë një koordinim më i mirë në mes të Ministrive, Qeverisë dhe odave ekonomike. Shumë rrallë ndodh që një lider kosovar merr biznesmenë me vete në udhëtimet e tij në shtete të ndryshme siç është praktikë nga shumë liderë, neve na mjafton kjo kënaqësi që kemi dhe prapë pretendojmë se kemi buxhetin më të madh në histori rritjen më të madhe, stabilitetit më të madh.
Mendoj se liderët kosovar kanë ra pre e mediave dhe janë duke shkaktuar vendit izolim çdo ditë, këta politikan kanë nevojë secili të ketë këshilltar afër vetes, këto punë nuk shkojnë me kërcënime e me patriotizma, para ca kohesh Ministria e Drejtësisë ka ekstradua disa ish Ushtarak të UÇK-së në Maqedoni, dhe dy nga ta janë dënuar me burgim të përjetshëm, edhe askush nuk kërcënojë shtetin Maqedonas, s’ka vend për patriotizëm të rrem, 1/3 e vendit është në duart e çetnikëve serb, ende nuk kontrollohet pjesa më e madhe e veriut, a në anën tjetër kërcënojmë super fuqi ekonomike, ushtarake e politike.
Ta lemë këtë punë në duar të drejtësisë, të paktën na e keni lodh shpirtin në çdo fjalim tuajin se nuk përzihemi në drejtësi, pra edhe mos e bëni këtë, krijoni ura lidhëse mes popujve, ruajeni pak gjuhen.
Turqia është një prej shteteve me prezencën më të madhe të investimeve direkte në Kosovë. Njëherësh është një ndër shtetet e para që ka njohur Kosovën me shpalljen e pavarësisë në shkurt të vitit 2008.
Prandaj mendoj se që nga nesër Ministria e Tregtisë duhet që të vizitoj bizneset turke në Kosovë dhe të ju garantoj mbështetje dhe garanci se shteti i Kosovës i mirëpret dhe krijon ambient të favorshëm për afarizmin e tyre, sot nuk ke nevojë të presësh para ambasadës Turke, sepse ka kohë që qytetaret kosovar udhëtojnë lirshëm drejt Turqisë, dhe për këtë duhet falënderuar pafundësisht.
Mos harroni që vitin 1999 Turqia ishte e gatshme të mbronte Shqipërinë nga një sulm i planifikuar i ushtrisë serbe e greke, ka mjaftuar vetëm një kërkesë e ish kryeministrit Majko. /tesheshi.com/
