Policia e Shtetit, së bashku me atë italiane e greke, bëri me dije rezultatet e një goditjeje ndaj nëj rrjeti trafiku klandestinësh nga Lindja, të cilët kalonin në disa shtete.
“Një operacion i gjerë kundër trafikimit të klandestinëve është zhvilluar nga autoritetet shqiptare, italiane dhe greke.
Në total janë goditur 4 grupe kriminale dy prej të cilave operonin nga Italia, një në Shqipëri dhe një në Turqi të cilat bashkëpunonin për trafikimin e klandestinëve. Nga ky operacion, janë lëshuar në total 47 masave të sigurimit personal, ndërsa janë prangosur 25 persona, 18 prej tyre shqiptarë.
Nga hetimi i përbashkët janë dokumentuar 30 episode kontrabandimi të 1120 emigrantëve.
Grupet fillimisht siguronin persona të ndryshëm në Irak, Siri, Egjipt dhe iu premtonin kalim drejt vendeve të BE-së kundrejt një shpërblimi monetar nga 5 mijë deri në 10 mijë euro”, u tha në komunikatën zyrtare.
Ndër detajet e dhëna për operacionin, qe ai për kreun e rrjetit.
“Dy individë ishin në krye të këtyre organizatave. Në Bari ku u kryen 5 arreste dhe tjera në veri të Italisë, e cila përbëhej nga dy vëllezër të cilët përdornin emra të fantazuar dhe nuk përputheshin me faktet reale.
Duke qenë me emra fallco ato ishin të kërkuar nga shumë forca policore. Abua mund të quhej kreu i kësaj organizate, përmes hetimeve gjetëm emrin e tij të vërtetë”, thanë përfaqësues të autoriteteve italiane gjatë konferencës. /tesheshi.com/
