Këshilli i Lartë Gjyqësor pezulloi nga detyra gjyqtaren Arnisa Këlliçi me një votim unanim, pasi kjo e fundit u mor e pandehur nga Prokuroria e Tiranës nën akuzën e një kallëzimi të rremë për kërcënim, duke përfituar kësisoj një urdhër mbrojtjeje.
Ajo, përmes një letre të publikuar më datë 20 janar, pretendoi se mori kërcënime ku përmendeshin fëmijët dhe familja e saj nga persona të panjohur.
“E dashur Arnisa. Keni dy fëmijë ….. dhe ….. Mendoni për ta! Si mund të rroni ju, e jo ata e kjo është e vërtetë. Me respekt!”, thuhej mes të tjerash në letër
Por ekspertiza ligjorë ka nxjerr në pah mashtrimin.
“Nga ana e organit të prokurorisë është çmuar, se ka prova që krijojnë dyshim e arsyeshëm për t’i atribuuar kësaj shtetaseje veprën penale të ‘Kallëzimit të rreme’ parashikuar nga neni 305 i Kodit Penal, duke proceduar me marrjen si të pandehur për këtë vepër penale”, thuhet nga akuza.
Pra, një dhënëse drejtësie del të jetë me integritet të diskutueshëm moral. /tesheshi.com/
