Të paktën 11 persona janë vrarë nga bombardimet ruse të zonave të banuara në Kharkiv, qyteti i dytë më i madh i Ukrainës në kufi me Rusinë, thanë sot autoritetet lokale.
“Armiku po bombardon zonat e banuara. Për shkak të bombardimeve, të cilat janë ende në vazhdim, ne nuk mund të thërrasim shërbimet e shpëtimit… Aktualisht ka 11 të vdekur dhe dhjetëra të plagosur,” tha guvernatori rajonal Oleg Sinegubov në Twitter.
Në rrjetet sociale janë publikuar edhe foto që dyshohet se tregojnë diversantë rusë të kapur, të “ngjitur” në shtylla.
“Populli ukrainas ka kapur diversantët rusë dhe i ka ngjitur në shtylla”, thuhet në llogarinë “Conflict” në Twitter me dy foto.
Mediat ukrainase raportuan më parë se ushtria dhe civilët e tyre u shkaktuan dëme të mëdha forcave ruse në ditët e para të luftës. /tesheshi.com/
