Një fund i këndshëm si në përralla, një ëndërr e bërë realitet,një histori me të vërtetë shumë e bukur: Murtaza, fëmija afgan 5 vjeç, fotoja e së cilit, ku vishte një bluzë prej qeseje të Argjentinës, bëri xhiron e botës, do të takojë shumë shpejt idhullin e tij, Leo Messi në Barcelonë.
Lajmi është bërë i ditur nga AFF, Federata e Futbollit Afgan, nëpërmjet zëdhënësit të tij për shtyp, Syed Ali Kazemi: “Na kanë kontaktuar Leo Messi dhe Barcelona për të vendosur një marrëveshje takimi”.
Murtaza do të udhëtojë për në Barcelonë ku do të njihet më në fund me idhullin e tij, i cili me siguri do t’i dhurojë një bluzë të vërtetë. Thuhet se data e takimit është përcaktuar, edhe pse nuk është komunikuar ende.
Edhe një herë futbolli na dhuron histori të bukura, të cilat na kujtojë ngjarjet e Cristiano Ronaldo me Zaid, refugjati i vogël sirian, i cili arriti të takokjë CR7 në Bernabeu, me rastin e ndeshjes mes Realit dhe Granadës. /tesheshi.com/
