Nga nesër, e hënë, hyn në fuqi vendimi i Ministrisë së Kulturës dhe Turizmit të Turqisë për vendosjen e biletës së hyrjes në Hagia Sophia-s për turistët e huaj.
Ministria ka përfunduar ndarjen e hyrjeve për ata që do të hyjnë në monumentin fetaro-historik si besimtarë praktikantë, pra për t’u falur, dhe ata që do ta vizitojnë atë për qëllime kulturore apo turistike. Tarifa e hyrjes për të huajt që hyjnë në xhaminë historike për qëllime turistike është 25 euro.
Në një njoftim lidhur me këtë të Ministrisë së Kulturës dhe Turizmit të Turqisë thuhet: “Në kuadër të restaurimit dhe mbrojtjes së monumentit të nisur nga ministri i Kulturës dhe Turizmit Mehmet Ersoy, është planifikuar të vendoset një biletari në një vend të caktuar që tashmë është përgatitur për vizitorët dhe do të vihet në funksion më 15 janar. Gjithashtu, janë instaluar kamera sigurie, sisteme për zbulimin e zjarrit dhe sisteme të njoftimit emergjent, ndërsa janë marrë masa mbrojtëse përgjatë rrugës së vizitës së xhamisë”.
Në të njëjtin njoftim theksohet se “qytetarët e Republikës Turke që do të vizitojnë xhaminë për qëllime të adhurimit fetar do të vazhdojnë të hyjnë pa pagesë përmes hyrjes së parashikuar për këtë arsye”.
Haghia Sophia, ndryshë Shën Sofia, Katedralja e famshmë e botës ortodokse në Kostandinopojën e dikurshme, më pas xhami në epokën osmane, blerë nga këta të fundit, më pas muze në epokën laiciste(kemaliste) turke, e tashmë sërish xhami në epokën erdoganiste, është ndër monumentet më të vizituara në Stamboll. /tesheshi.com/
