Kryeministri Rama do e nisë turin e tij ballkanik në kuadër të fundit të “Open Balkan” e potencimit të Procesit të Berlinit duke udhëtuar fillimisht drejt Shkupit. Mediat e atjeshme raportojnë se ai do të takohet me kolegun e tij maqedonas Dimitar Kovaçevski dhe më pas do të udhëtojë për në Prishtinë. Në kryeqytetin e dytë shqiptar, ironikisht ai nuk do pritet nga homologu Kurti, i cili vuri si kusht mbledhjen e dy qeverive, të asaj të Gjakovës që u anlluar njëanshmërisht nga Rama me shkak “veriun”.
Por sigurisht që Rama do pritet nga dikush në Prishtinë dhe raportohet se do jetë dyshja Osmani-Konjufca që do e bëjnë këtë gjë, njëra presidente e tjetri kryeparlamentar. Shkupi e Prishtina do zënë të enjten.
Të premten, kryeministri shqiptar do të udhëtojë për në Beograd, ku pritet të takohet me presidentin Vuçiç, me të cilin është ftohur së fundi me shkak “veriun”. Ky takim mes tyre pritet me shumë interes, pasi do përcillen mesazhe në një kohë delikate me shumë tension politik në ajër.
Më pas pason Bosnja e Mali i Zi në turin e Ramës, i pari i këtij lloji jo vetëm për kryeministrin shqiptar, por dhe për një udhëheqës rajonal.
Ditë më parë, krejt papritmas, Rama do deklaronte fundit e “Open Balkan”, duke thënë se tashmë është koha për vepruar në kuadër të Procesit të Berlinit. Turi i tij ka pikërisht këtë mision. /tesheshi.com/
