Vetëvendosje dikur mburrej me Aida Dërgutin, sa herë kësaj të fundit i jepej mundësia të udhëhiqte punimet e Kuvendit në seancat plenare si nënkryetare.
Por që nga ndarja e VV-së, ku Dërguti ishtë strumbullarja e parë largimeve në masë e po ashtu akuzave, gjërat kanë ndryshuar dhe ajo është figura më e urryer e vetëvendosësve. Këta të fundit tashmë po e kërkojnë me ngulm shkarkimin e saj si n/kryetare Kuvendi.
E duke parë shpërfilljen e saj ndaj kësaj kërkese, Vetëvendosje ka kërcënuar se nëse ky post nuk u jepet atyre, nuk do ta votojë asnjë marrëveshje ndërkombëtare.
“Kemi pritur nga zonja Dërguti të jap dorëheqje. Pozicioni që sot mban zonja Dërguti është jokushtetuese. Prandaj ne kemi kërkuar që të shkarkohet zonja Dërguti. Ndoshta kryetarit të Kuvendit nuk i konvenon ta ketë një përfaqësues të Vetëvendosjes aty. Ne kërkojmë që ky pozicion, sipas Kushtetutës t’i takojë Vetëvendosjes. Ne natyrisht, nuk ndërhyjmë në votën e deputetëve, por ne nuk do të përkrahim asnjë marrëveshje ndërkombëtare nëse nuk votohet kërkesa jonë, pavarësisht si votohet për këtë gjë, por do të ishte mirë që të ishin të gjitha votat”, ka thënë Albulena Haxhiu në fillim të seancën plenare.
Kanë reaguar menjëherë ish-vetëvendoësit, sot socialdemokratë, duke e akuzuar ish-partinë e tyre se po lufton për pozita e jo për shtetndërtim.
“VV sapo deklaroi që nuk do të votojë asnjë marrëveshje ndërkombëtare të Kosovës, pa u hedhur në votim shkarkimi i Aida Dergutit nga nenkryetarja Kuvendit. Kush po lufton për pozita këtu?! Kush qenka në gjendje me e demtu interesin shtetëror për shkak të një pozite?”, shkruan deputeti Frashër Krasniqi në Facebook.
Kujtojmë se kjo çështje është një nga pikat e seancës së sotme plenare dhe mbetet të shihet nëse LDK, PDK, AAK, NISMA dhe partitë tjera do e mbështesin kërkesën e VV-së për shkarkimin e Dërgutit. /tesheshi.com/
