Para dy muajve Kosova arriti të formojë qeverinë që aq shumë e kishte pritur. Mirëpo opozita nga jashtë dhe sabotimet nga partneri qeveritar bënë punën e vet dhe arriti që në emër të “antiamerikanizmi” të shpikur t’i ruante mustaqet e Gimës dhe fuqinë e Presidentit Thaçi. Kjo përderisa ishte e qartë se LDK-ja po donte të largonte politikisht ndikimin e rrymës reformatore me maskën zgjedhore në emër të Vjosa Osmanit dhe kthimin e rolit të gardës së vjetër.
Presidenti Thaçi (si duket pa miratimin nga ish-partia e tij) dhe duke i njohur raportet brendapërbrenda LDK-së, tentoi të ndihmojë bashkëpuntorët e pasluftës në interesa politike dhe materiale duke përdorur kartën “Grenell” për “antiamerikanizmin” dhe duke u pozicionuar si antievropian.
Kjo kartë e rrezikshme u shfrytëzuar mirë nga lobi serb që vitet e fundit u forcua shumë në SHBA, sidomos me ardhjen e Presidentit Trump, e gjitha kjo si dobësi e klasës tonë politike të Kosovës e cila më shumë merrej me atë se kush po fiton më shumë lek, duke e ngarkuar dhe shfrytëzuar buxhetin e shtetit në maksimum. E të mos flasim për punësime në baza të meritokracisë, militantëve partiakë të papërgatitur, nepotizmin, shfrytëzimi dhe keqpërdorimin e gjinisë femrore për interesa të ulta për një vendë pune etj.
Qeveria e Kryeministrit Kurti filloi mirë dhe me një intensitet të lartë (megjithëse me nje doë euforie).
Pra, 50 ditë ishin të mjaftueshme për të reaguar dhe arritën të ngrejnë mocion për rrëzimin e qeverisë Kurti. Ky do mbetet turpi historik në këtë kohë të pandemisë së COVID-19. Dhe paradoksi tjetër është kërkimllogaria dhe ndryshimi i gjendjes në Kosovë për 50 ditë. Secila qeveri në këtë glob i ka 100 ditë si fazë testuese dhe askush nuk merr veprime, e as opozita, deri sa të kalojë kjo periudhë testuese.
Opozitarët duhet të kuptojnë dhe të mësohen me rolin e tyre te ri, e jo të sillen si pronarë të Kosovës duke marrë iniciativa që e dëmtojnë stabilitetin e brishtë të shtetit.
Të mos tregohemi paradoksalë, të mendojmë me logjikë të shëndoshë dhe ta ndihmojmë veten dhe shoqërin tonë. Ne të gjithë jemi aktorë dhe pjesëmarrës në atë që do të ndodhë në vazhdim në Kosovë. Tani nuk është koha për hatërmbetje nga dashamirët, të afërmit e shokët tëna, duhet të thuhen gjërat ashtu siqç janë. Partitë politike shkojnë e vijnë, ndërsa populli dhe Kosova jonë do të vazhdojnë të egzistojnë edhe pas kësaj periudhe. /tesheshi.com/
