Duke parë çdo fundjavë trajnerët e Premier Ligës Angleze në ndenjëset e tyre, shumë lehtë ju bën të harroni të kaluarën e tyre si futbollist. Shumë nga ta kanë patur një karrierë të shkurtës futbollistike dhe jo aq të suksesesshme, përjashto Ronald Koeman dhe Mark Hughes.
Ndërkohë “Tesheshi.com” ua sjell pamjen e disave prej tyre kur ishin djelmosha.
Arsene Wenger – Arsenal
Si një mesfushor difansiv dhe shpesh herë si mbrojtës qendre, Wenger ka luajtur në klubet jo fort të njohura franceze AS Mutzig dhe Mulhouse, pasi më parë kishte luajtur për skuadrën nga vendlindja e tij, RC Strasbourg.
Tim Sherwood – Aston Villa
Një talent i rrallë mesfushe që ka startuar karrierën tek Watford, por më pas u transferuar tek Norwich. Titullin e Premier Ligës e shijoi me skuadrën e Blackburn para se të kryente transferimin e madh te Tottenham.
Eddie Howe – Bournemouth
Trajneri aktualisht i skuadrës Bournemouth ka luajtur pikërisht për këtë skuadër gjatë karrierës aktive si futbollist, ndërkohë një periudhë e kaloi edhe te Portsmouth.
Jose Mourinho – Chelsea
Një trajner i shkëlqyer. Por një gjë të tillë nuk mund të themi për të edhe si futbollist. Portugezi ka luajtur si mesfushor në karrierën e tij të shkurtër te klubet jo fort të njohura portugeze, Rio Ave, Belenenses, Sesimbra dhe Comercio e Industria.
Alan Pardew – Crystal Palace
Një tjetër trajner që në karrierën e tij ka luajtur në pozitën e mesfushorit. Për dallim nga trajneri paraprak, Pards ka luajtur në klube më të njohura si Charlton, Tottenham dhe Crystal Palace.
Roberto Martinez – Everton
Një mesfushor luftarak që ka mbrojtur ngjyrat e skuadrave angleze Wigan dhe Swansea deri sa më vonë u transferua në Spanjë tek Real Zaragoza.
Claudio Ranieri – Leicester City
Më në fund një lojtar që vjen nga një repart tjetër. Ranieri ka filluar karrierën te Roma si një mbrojtës qendre për të vazhduar karrierën te klubet tjera italiane, Catanzaro, Catania dhe Palermo.
Brandan Rodgers – Liverpool
Trajneri aktual i Liverpoolit hynë në mesin e atyre trajnerëve që kanë patur karrierë të varfër. Brandan ka luajtur në rangjet më të ulëta me skuadrat si, Ballymena United, Newport, Witney Town dhe Newbury Town.
Manuel Pellegrini – Manchester City
Njeri i klubit. Kështu është quajtur kiliani Manuel Pellegrini që drejton skuadrën e Manchester Cityt. Pellegrini ka zhvilluar mbi 471 paraqitje për skuadrën Universidad de Chile.
Luis van Gaal – Manchester United
Van Gaal e nisi karrierën te Ajax, mirëpo nuk pati asnjë paraqitje për skuadrën holandeze. Më pas u transferua te skuadra belge Antwerp ku e vazhdoi karrierën. Fundin e tij si futbollist aktiv i priti sërish në Holandë, por kësaj rradhe te skuadra Sparta Roterdam.
Steve McClaren – Newcastle United
McClaren e filloi karrierën te Hull City. Pas suksesit që pati në pozitën e mesfushorit organizator ai u transferua te Derby Country për të vazhduar me skuadrat e tjera angleze Lincoln, Bristol City dhe Oxford, por në fund u rikthye sërish në Hull për ta përfunduar karrierën aty ku e nisi.
Alex Neil – Norwich City
Vetëm 34 vjeç, Neil është tërhequr nga futbolli aktiv në janar të këtij viti deri sa mbante pozitën e lojtarit dhe trajnerit te skuadra Hamilton me të cilën skuadër pati 211 paraqitje.
Ronald Koeman – Southampton
Një mesfushor gjenial. Koeman ka patur një karrierë mbreslënëse. Karrierën e nisi te Groningen për tu transferuar më pas te Ajaxi, Psv dhe Barcelona. Në fund karrierën e tij të pasur me plot trofe e mbylli në Feynord.
Mark Hughes – Stoke City
Sulmues klasi. Hughes e nisi karrierën te skuadra e njohur angleze Manchester United për t`u transferuar më pas te Barcelona dhe Bayern Munich. Karrierën e tij të bujshme e mbylli aty ku e nisi në “Old Traford”.
Dick Advocaat – Sunderland
Mesfushor apo mbrojtës. Advocaat e nisi karrierën në Holand për ta vazhduar karrierën në Shtetet e Bashkuara të Amerikës në disa skuadra inferiore.
Garry Monk – Swansea City
Një mbrojtës tipik, sikur Monk karrierën e nisi te Torquay për të vazhduar më pas te Southampton deri sa në fund u transferua në Swansea aty ku dhe e mbylli karrierën si futbollist aktiv në vitin 2014 dhe ku e vazhdoi si trajner.
Mauricio Pochettino – Tottenham
Pochettino e ka nisur karrierën si qendër mbrojtës te skuadra katalanase Espanyol. Më pas u transferua në Argjentinë, nga u rikthye sërish në Europë por kësaj rradhe tek Parisi aty dhe ku e përfundoi karrierën aktive.
Quique Sanchez Flores – Watford
Flores ka zhvilluar mbi 300 paraqitje për skuadrën spanjolle Valencia deri sa për dy vite ka qenë pjesë edhe skuadrës mbretërore Real Madrid. Karrierën e mbylli në Zaragoza.
Tony Pulis – West Brom
Një qendër mbrojtës shumë i fuqishëm i cili karrierën e ka nisur te Bristol Rovers, për të vazhduar më pas në klubet Newport, Bournemouth dhe Gillingham
Slaven Bilic – West Ham
Një tjetër qendërmbrojtës i shquar. Karrierën e nisi te skuadra njohur kroate Hajduk Split për të vazhduar më pas në Gjermani. Bilic ka luajtur edhe për skuadrat angleze West Ham dhe Everton.
/tesheshi.com/
