Kushtetuta e Shteteve të Bashkuara thotë se një president largohet nga detyra për “tradhti, ryshfet, shkelje të rëndë ose kundërvajtje të tjera”.
Procedura e “Impeachment”-it e ngritur këto ditë ndaj Presidentit të SHBA-s, Donald. J. Trump, erdhi nga fakti se ndaj tij u ngritën akuza në Kongres, që do të përbënin dhe bazën për gjykim.
Në tekstin e lexuar nga kryetari i Senatit John Roberts në gjyqin kundër Trump, thuhej tekstualisht se “ Presidenti amerikan D.J.Trump nuk është fajtor rreth akuzave ndaj tij” të paraqitura nga demokratët për abuzim me pushtetin e tij, dhe ka mosofrim provash ndaj Senatit, si person i akuzuar për fajësi.
Menjëherë pas shpalljes së tij nga Senati si i pafajshëm, Trump tha se “falënderonte të gjithë”.
“Kemi kaluar shumë gjëra të rënda së bashku, sepse ka qenë një situatë shumë e padrejtë. Kjo nuk është një konferencë për media apo fjalim, por festë, sepse ja kemi dalë…”, tha presidenti amerikan.
Ndërsa kryetarja e Dhomës së Përfaqësuesve, Nancy Pelosi, e cila vjen nga demokratët, theksoi se në historinëe Shteteve të Bashkuara të Amerikës, Trump do të mbahet mend si minues i sigurisë së SHBA-së, dëmtues i procesit zgjedhor, dhe shkelës i Kushtetutës amerikane.
Por, sipas asaj që është vërejtur, gjyqi i pafajësisë ndaj presidentit Trump ka dëmtuar më së shumti Kushtetutën amerikane dhe Dhomën e Përfaqësuesve, duke ju dërguar mesazh të qartë kongresistëve që mos marrin më inisiativa të tilla. Pra, edhe pse demokratet kishin paraqitur me kujdes shumë prova për shkelje të Kushtetutës kundër presidentit Trump, përsëri ishin republikanët ata që nuk i shqyrtuan akuzat kundër tij as në Dhomën e Përfaqësuesve e as në Senat. Ata nuk i lanë dëshmitarët që të paraqesin provat dhe vendosën të shfajësojnë Trump-in nga akuzat para kohe; pra, republikanët nuk i kanë kryer detyrat tyre kushtetuese, dhe për rrjedhojë viktimë e krejt kësaj del të jetë Kushtetuta e SHBA-së.
Tashmë që Trump nuk u gjet fajtor dhe nuk u largua nga zyra, edhe për kundër shumë provave të bazuara kundër tij, kjo i bie se që nuk ekziston asnjë gjë për të cilën një president i ardhshëm amerikan mund të fajësohet, dhe sipas shumë njohësve të drejtësisë, ky mund të konsiderohet precedenti i parë. Dhe precedenti tjetër është se ekzekutivi po bëhet më i fort se legjislativi dhe gjyqësori amerikan. Kështu, presidenca amerikane po shkon drejt një fortifikimi më të madh, dhe për rrjedhojë në dëm të Kushtetutës së SHBA-së. /tesheshi.com/
