Një valë përshëndetjesh ka pasuar uljen e opozitës jashtëparlamentare në tryezën e Reformës Zgjedhore, e cila, siç është nuhatur, është një dorëzim i Bashëse i Kryemadhit përballë presionit ndërkombëtar, por edhe për t’i mundësuar PD-së e LSI-së rihyrjen në sistemi.
“Ne përshëndesim palët që ranë dakord të punojnë së bashku për reformën zgjedhore, një hap i rëndësishëm për të trajtuar plotësisht rekomandimet e ODIHR-it. Reforma do të mbështesë procese zgjedhore të efektshme dhe të besueshme dhe do të forcojë demokracinë shqiptare. Ne shpresojmë që palët të vijojnë të ecin përpara me këtë frymë aktuale bashkëpunimi, për t’u siguruar që zgjedhet në shqipëri të jenë të lira nga mashtrimi, ndërhyrja dhe korrupsioni”, thuhet në një deklaratë të ambasadës amerikane.
“Ne mirëpresim marrëveshjen e sotme ndër-partiake mbi rrugën përpara për një Reformë gjithëpërfshirëse Zgjedhore, në përputhje me rekomandimet e OSBE / ODIHR. Është një arritje e rëndësishme për rivendosjen e stabilitetit politik të Shqipërisë dhe në kontekstin e procesit të integrimit të Shqipërisë në BE. Ne besojmë se të gjitha partitë do të vazhdojnë të punojnë së bashku për të përfunduar një Reformë Zgjedhore në kohë që do të miratohet nga Parlamenti, për të mirën e qytetarëve shqiptarë dhe të ardhmen e tyre evropiane”, shkruan ambasadori i BE-së, Luigi Soreca.
“Mirëpresim marrëveshjen e sotme ndër-partiake për të ndjekur Reformën Zgjedhore në përputhje me rekomandimet e OSBE / ODIHR. Mbretëria e Bashkuar beson se dialogu gjithëpërfshirës është gjithmonë mënyra më e mirë për të zgjidhur problemet politike”, shkruan ambasadori britanik Norman.
E së fundi shkruan dhe Rama:
“Përtej më shumë se një viti të humbur në rrugën e konfliktit të çuar deri në ekstremin e mosarsyes, duhet përgëzuar ky rikthim i arsyeshëm në tryezën e dialogut për shkallën e parë të Reformës Zgjedhore, ku të gjitha rekomandimet e OSBE/ODHIR-it do integrohen në Ligjin Zgjedhor”. /tesheshi.com/
