Pak a shumë ndodh për të gjithë femrat njësoj: të vogla hanë sa të duan dhe nuk shëndoshen, (ose të paktën arrijnë të tretin shumicën e asaj që hanë). Pastaj me afrimin e të tridhjetave format fillojnë e ndryshojnë, fillojnë zgjerimet dhe humbasim kile me shumë vështirësi. Gjatë të pesëdhjetave duhet të ruhemi nga çdo gjë pasi çdo kalori e tepërt mund të jetë e rrezikshme për sëmundje si diabeti, tensioni, problemet e zemrës etj.
Kështu, pavarësisht përmasave apo shijeve, çdo fazë moshore kërkon kujdesin e vet dhe një regjim të përshtatshëm në bazë të organizmit dhe stilit të jetesës.
Daily Mail na vjen me këshillat nga dietologia Ella Allred e cila na sygjeron se si duhet të ushqehet një femër sipas moshës.
Adoleshenca është një nga moshat më delikate gjatë së cilës marrëdhënia me ushqimin bëhet probematike. Vajzat gjatë kësaj moshe kanë prirje të anashkalojnë karbohidratet, por harrojnë se duhet t’i marrin të gjitha vlerat ushqyese pasi janë ende në rritje.
Gjatë të tridhjetave stresi i punës dhe një jetë aktive kërkojnë një konsum të lartë të magnezit, i cili gjendet në sasi të madhe tek bizelet, avokado, çokollata e zezë dhe drithërat. Kujdes me sheqerin dhe kafen!
Pas të tridhjetave, energjitë dhe përqëndrimi bie. Kështu që është mirë të konsumohen ushqime me proteina dhe antioksidues, si peshq të vegjël (p.sh. sardelet), kikirikat dhe mishi i viçit. Gjithashtu dhe vitaminë B, e cila është pak a shumë e pranishme në të njëjtat ushqime, shërben për energji dhe forcë. /tesheshi.com/
