Nga 1 tetori, bizneset e mëdha do të jenë sërish nën “lupën” e administratës fiskale, duke shënuar nisjen e aksionit kundër informalitetit.
Kjo është bërë e ditur nga ministri i Financave dhe Ekonomisë, Arben Ahmetaj. Sipas tij, në këtë aksion fokusi do të jetë te sipërmarrja e madhe por absolutisht nuk do të lihet jashtë vëmendjes sipërmarrja e vogël.
Ahmetaj beson se suksesi në këtë aksion të tretë kundër informalitetit do të jetë më i garanntuar se dy të mëparshmit, kjo edhe për faktin se njësitë janë më të përgatitura, pra janë më të qartë mbi atë që do të kontrollojnë.
Ministri Ahmetaj i shoqëruar edhe nga dy drejtoret e administratës fiskale, teksa vizitoi një biznes prodhues në Tiranë, evidentoi sektorët me risk, ku do të fokusohet vëmendja më e madhe. /tesheshi.com/
