Braziliani Neymar është lojtari më i shtrenjtë në botë. Sulmuesi i Barcelonës, është vënë në krye të renditjes së përcaktuar nga Institucioni i Vëzhguesve ndërkombëtarë të Sportit, i cili ka marrë parasysh disa parametra, për këtë klasifikim.
Vlera e Neymar është 210.7 milion euro. Minutat e luajtura, mosha, koha e skadencës së kontratës, golat e shënuar dhe kërkesat në merkato, kanë qenë disa prej kritereve të kësaj përzgjedhjeje.
Në vendin e dytë renditet britaniku Dele Alli i Totenhem, me vlerë 155 milion, ndërsa në vendin e tretë, shoku i tij i skuadrës, Harry Kane me vlerë 153.4 milion euro. Asi i Barcelonës Leo Mesi renditet vetëm i katërti, me vlerë 151.7 milion, mbase “i penalizuar” prej moshës, e më pas vijojnë francezi Griezman i Atletiko Madrid, me 150.3 milion, Lusi Suarez i Barcelonës me 140.8 milion, francezi Pogba i Macnester United me 134.4 milion, argjentinasi Higuain i Juventusit 120.2 milion, belgu Hazard i Chealsea 117.2 milion dhe argjentinasi Dybala i Juventusit me 115.3 milion. Cristiano Ronaldo është renditur vetëm i 11-ti në listë, për shkak të 32 viteve që mban mbi shpinë, edhe pse është favoriti kryesor për trofeun e lojtarit më të mirë në botë për sezonin e fundit. /tesheshi.com/
