Dy vite burg ka qenë kërkesa e prokurorëve spanjollë për yllin e Barcelonës, Neymar si dhe kanë kërkuar një gjobë prej 10.6 milionë dollarësh. Mbi futbollistin rëndon akuza e korrupsionit e lidhur me transferimin e errët të futbollistit nga Santos tek Barcelona, në vitin 2013.
5 vite burg u kërkuan për ish presidentin e Barcelonës, Sandro Rosell dhe një gjobë për 8.4 milionë euro për klubin e futbollit. Ndërkohë u kërkua lirimi nga akuzat për presidentin aktual Josep Maria Bartomeu.
Çështja në fjalë nisi pas një ankese nga grupi brazilian i investimit DIS, që zotëronte 40 përqind të të drejtave të transferimit të Neymar dhe që pretendon se ka marrë më pak para nga sa i takonin, në raport me shifrën e vërtetë me të cilën e përmbylli Barcelona transfertën e lojtarit./tesheshi.com/
