Braziliani Neymar duket se e ka vendosur të ardhmen e tij dhe ajo është tek Reali i Madridit. Braziliani ka vënë në lëvizje agjentët e tij për të kontaktuar klubin spanjoll, ndërkohë që tek PSG, shpesh bën tekanjozin, duke “u grindur” me këdo që nuk bën siç do ai.
“O Ney” sic e thërresin me dashuri në Brazil, duke e parë edhe si pasardhës të Pele, thuhet se pranon edhe të ulë pagën prej 38 milion eurosh që merr aktualisht në Paris, për të mbyllur marrëveshjen e kalimit tek Los Blancos.
Prestigjozja “L’Equipe” shkruan madje se braziliani do të donte të punonte me Zidane si trajner, por nuk është se e ka përfshirë tek “kushtet” diçka të tillë. Për të realizuar një prej blerjeve më spektakolare të dekadës, do të vlerësohet edhe marrëveshja që klubet do të arrijnë me njëri-tjetrin, pasi nuk përjashtohet edhe përfshirja e Cristiano Ronaldos, në këtë “valle”.
Logjika që bëjnë mediat në Francë është e tillë: Ronaldos i plotësohet nga PSG kushti që të rrisë të ardhurat vjetore, afërsisht sa të Messit tek Barcelona (Messi merr 50 milionë në muaj, Ronaldo 22), gjë që Reali nuk ka ndërmend ta bëjë. Ndërsa Neymar rikthehet si nr. 1 në Spanjë, edhe pse si “armik” i Barcelonës. /tesheshi.com/
