Të flasësh e shkruash për Neymar këto ditë merkatoje, është e barasvlefshme ndoshta edhe me atë që flitet për Donald Trump pas çdo takimi.
Mes lajmeve e përgënjeshtrimeve, mes bindjes e mosbindjes së enturazhit të tij për të dhënë detaje, bëhet e ditur se tashmë braziliani ka pranuar ofertën pariziene, pasi francezët “i kanë rregulluar në punë” edhe të atin.
Sipas marrëveshjes që mendohet se është arritur, përveç klauzolës 222 milion që PSG i paguan Barcelonës, e 30 milion eurove që braziliani fiton cdo sezon, një lëvizje vendimtare ka qenë dhe “kushti” që babai i tij të përfitojë një “rrogë” sa 15% e asaj të djalit futbollist.
Në këtë mënyrë, duket se është tejkaluar dhe pengesa e fundit për transferimin më të bujshëm të kësaj vere. Për 5 vitet e ardhshme Neymar do të jetë boshti i PSG, klub i cili mendohet të realizojë edhe disa blerje të tjera. /tesheshi.com/
