Lojtari më i shtrenjtë i paguar ndonjëherë, braziliani Neymar, ndihet i pakënaqur te Paris Saint Germain dhe është i gatshëm të kthehet në Barcelonë, pretendon spanjollja Mundo Deportivo.
Sipas saj, Neymar tashmë u ka dhënë sinjale drejtuesve të klubit katalanas, nga ku në vitin 2017 shkoi në Paris për një shumë gati të pabesueshme prej 222 milionë euro, shkruante Nezavisne.com
Edhe pse Neymar e la Camp Nou-n me shumë “fjalë të forta” në të dyja anët, tani në Barcelonë besojnë fuqishëm se mund ta kthejnë atë në Katalonje.
Po spekullohet se trishtimi i tij te PSG ka ardhur pas shkëlqimit që po rrezaton Mbappe, duke u ndjerë në hije prej talentit francez, i cili rezultoi një yll e doli kampion bote në Rusi, ndërkohë që Neymar ishte një dështim i gjallë me eliminimin e Brazilit që në 8-she.
Ndërkohë, edhe te Barcelona Neymar vuajti të njëjtën simptomë në raport me Leo Messin, gjë që e bëri të largohej prej aty.
Ai shkoi te PSG nën ndjesinë se do ishte “violinë e parë” e se do mund të fitonte Champions, por llogaritë nuk kanë shkuar si duhet. Mbappe-në as që e kishte parashikuar. /tesheshi.com/
