Kalimi i Neymar te Paris Saint-Germain filloi si një çmenduri e tregut të transferimeve, por në fund u bë realitet.
Nga ky transferim mbetën të befasuar të gjithë, veçanërisht tifozët e Barcelonës, të cilët përkundër faktit se klubi nga Parisi do paguajë 222 milionë euro janë të nervozuar.
Neymar është një nga më të mirët në rolin e tij, për mos të thënë më i miri, pa brazilianin treshja e famshme MSN (Messi, Suarez, Neymar) nuk do ekzistojë dhe nga e gjitha kjo përfiton Real Madridi.
Nisur nga kjo një grup i tifozëve të klubit kanë fyer brazilianin në parkingun e një lokali në qytetin e Barcelonës. Incidenti ka ndodhur përpara se klubi spanjoll të udhëtonte në SHBA për turneun miqësor.
Por, para se situata mes lojtarit dhe tifozëve të precipitonte kanë ndërhyrë rojet e sigurisë.
Ylli i ri i PSG-së ishe i shoqëruar nga disa shokë dhe dëshmitarët okularë thonë se ka pasur vetëm një shkëmbim verbal mes Neymarit dhe grupimit të tifozëve. /tesheshi.com/
