New York: takimi i parë mes liderëve izraelitë dhe turq që nga 2008-ta

Kryeministri izraelit Yair Lapid dhe presidenti turk Tajip Erdogan u takuan në margjinat e Asamblesë së Përgjithshme të OKB-së, duke shënuar bisedën e parë të drejtpërdrejtë midis liderëve të dy vendeve që nga viti 2008.

Kryeministri izraelit Yair Lapid dhe presidenti turk Tajip Erdogan u takuan në kuadër të Asamblesë së Përgjithshme të OKB-së, që është biseda e parë direkte mes liderëve të dy vendeve që nga viti 2008, njoftoi zyra e kryeministrit izraelit.

Marrëdhëniet midis Izraelit dhe Turqisë, dy aleatët e SHBA-së, kanë qenë prej kohësh në një nivel të palakmueshëm për shkak të mosmarrëveshjeve të ashpra mbi çështjen palestineze, por janë “shkrirë” muajt e fundit, me energjinë që shfaqet si një fushë kyçe e bashkëpunimit. Pritet që të dy vendet së shpejti të shkëmbejnë ambasadorë të rinj, shkruan Reuters.

Përveç diskutimit për energjinë, Lapid falënderoi Erdoganin për shkëmbimin e inteligjencës midis vendeve dhe theksoi kërkesën e Izraelit për kthimin e katër qytetarëve të tij, dy prej të cilëve janë ushtarë, të cilët janë zhdukur në Rripin e Gazës që nga lufta e vitit 2014.

Turqia, e cila është gjithashtu anëtare e NATO-s, mbështet grupin Hamas që qeveris Gazën dhe të cilin shumica e Perëndimit e etiketon si një grup terrorist. Kjo marrëdhënie ka qenë shpesh një pikë grindjeje në përpjekjet për të rivendosur lidhjet midis Turqisë dhe Izraelit, kujton Reuters.

Një seri takimesh me liderë botërorë

Nga ana tjetër, Ankaraja u zemërua nga sulmi i vitit 2010 ndaj një autokolone ndihmash pro-palestineze që u përpoq të kalonte bllokadën detare të Izraelit në Rripin e Gazës, në të cilën dhjetë aktivistë turq u vranë nga marinsat izraelitë.

Që nga ato ngjarje fatkeqe të vitit 2010, në fillim të shtatorit të këtij viti, një luftanije turke u ankorua për herë të parë në një port izraelit, atë të Haifa-s. /tesheshi.com/