Pesë vetë u sulmuan me thikë në shtëpinë e një rabini në New York, tha një organizatë hebreje.
Këshilli i Çështjeve Publike të Judenjve Ortodoksë (OJPAC) njoftoi në Tëitter se një person goditi me thikë njerëz në një shtëpi në Monsey rreth 50 milje në veri të New York City.
Të pesë viktimat u transportuan në spitalet lokale, njoftoi këshilli, dhe dy janë në gjendje kritike. Njëri prej tyre mori të paktën gjashtë goditje me thikë.
Sulmuesi më pas u largua me automjet.
Zyrtari i OJPAC, Yossi Gestetner i tha New York Times se sulmi ndodhi rreth orës 10:00 gjatë një feste tradicionale të Hanukkah-s ku morën pjesë dhjetëra njerëz në shtëpinë e rabinit.
Rreth një e treta e banorëve të Qarkut Rockland janë çifutë, përfshirë një komunitet të madh të hebrenjve ortodoksë që jetojnë aty.
Policia tha sot në mëngjes se sulmuesi ishte arrestuar.
“I dyshuari iku nga vendi i ngjarjes, por tani është në paraburgim”, tha policia.
Vajza e rabinit është ndër viktimat e sulmit, tha Yossi Gestetner, një zyrtar i OJPAC.
Guvernatori i Shtetit të New York, Andrew Cuomo tha se ishte një “veprim përbuzës prej frikacakësh” dhe urdhëroi policinë e krimit të urrejtjes që të niste menjëherë një hetim. /tesheshi.com/
