Platforma amerikane e transmetimit Netflix njoftoi se në tremujorin e fundit ajo kishte të ardhurat më të dobëta nga pagesat e pajtimtarëve në katër vitet e fundit.
Të ardhurat e dobëta u shkaktuan nga rritja e konkurrencës, lehtësimi i masave kundër pandemisë së virusit koronar dhe kthimit të ngjarjeve sportive në ekranet televizive, raporton Reuters.
Netflix fitoi 2.2 milion abonentë të rinj në tremujorin e mbyllur më 30 shtator, ndërsa kompania dhe Wall Street vlerësuan se numri ishte 3.4 milion.
Çmimi i aksioneve në rënie
Aksionet e Netflix gjithashtu ranë në bursat të martën, si një nga fituesit më të mëdhenj këtë vit pas një fluksi të madh abonentësh për shkak të masave globale kundër virusit koronar që i detyroi njerëzit të qëndronin në shtëpitë e tyre.
Aksionet e Netflix ranë gati 6 për qind në tregun e aksioneve, në 494 dollarë në pasditen e vonë të martën.
Reuters kujton se Netflix më parë kishte paralajmëruar investitorët se të ardhurat e tij do të binin në gjysmën e dytë të vitit me lehtësimin e pritur të masave anti-pandemike. /tesheshi.com/
