Në një përpjekje të vazhdueshme për të rritur abonentët, Netflix po teston qasje më të ngushtë për përdoruesit që ndajnë fjalëkalime me këdo jashtë të njëjtës familje.
Një numër i madh i përdoruesve raportuan se Netflix së fundmi u kishte kërkuar atyre që të konfirmonin me e-mail ose SMS se ishin pronarët e llogarisë.
Një zëdhënës i kompanisë konfirmoi për CNN javën e kaluar se një ekzaminim më i rreptë i llogarive të përdoruesve është duke u zhvilluar.
Nuk zbaton të gjithë përmbajtjen
“Nëse nuk jetoni me pronarin e kësaj llogarie, do të duhet të keni llogarinë tuaj për të vazhduar shikimin”, lexon një paralajmërim Netlifx që u shfaqet përdoruesve individualë.
Atëherë atyre u ofrohet mundësia për të marrë një kod verifikimi me e-mail ose mesazh për të provuar se ata janë pronarët e vërtetë.
Shkalla e këtij “hetimi” nuk dihet ende.
Netflix shpesh provon një larmi karakteristikash dhe përmbajtjesh, por nuk i zbaton të gjitha.
Edhe pse Netflix ju lejon të krijoni shumë profile në një llogari, ato mund të përdoren vetëm nga anëtarët e së njëjtës familje.
Përdoruesit ndajnë kostot e pajtimit
Por është një sekret publik që shumë përdorues po përpiqen të ndajnë kostot e pajtimit midis shumë familjeve.
Netflix, i cili ka parë një rritje të abonentëve në pandemi, ka njoftuar më parë se do të jetë më i rreptë në përputhje me rrethanat.
Aktualisht, Netflix ka më shumë se 200 milion abonentë në të gjithë botën, nga të cilët gati 37 milion janë marrë gjatë vitit 2020.
Nuk dihet se sa përdorues “në mënyrë të paligjshme” ndajnë të dhënat e tyre të hyrjes me miqtë. /tesheshi.com/
