Kryeministri izraelit Benjamin Netanyahu, përballë tre akuzave, ka njoftuar se ai do të kërkojë nga parlamenti imunitet, i cili mund ta vonojë atë për muaj.
Netanyahu u akuzua në nëntor për ryshfet, mashtrim dhe shkelje të besimit. Ai mohon çdo keqbërje dhe pretendon se është viktimë e “gjuetisë së shtrigave” të kryer ndaj tij nga media dhe e majta.
Gjyqi nuk mund të fillojë nëse kërkohet imunitet, dhe Netanyahu njoftoi vendimin e tij në një fjalim në televizion, disa orë para afatit.
Prokurori i Përgjithshëm Avichai Mandelblit ka paditur Netanyahu-n më 2 dhjetor. Pas kësaj, kryeministri kishte 30 ditë kohë për të kërkuar imunitet, dhe afati skadoi në 1 janar.
Ai tha se akuzat kundër tij ishin të motivuara politikisht dhe se ai kishte të drejtë për mbrojtje parlamentare.
“Unë dua ta udhëheq Izraelin për shumë vite të tjera për të arritur sukses historik”, tha ai.
Parlamenti nuk ka gjasa të marrë një vendim mbi imunitetin përpara zgjedhjeve të 2 marsit. Izraeli është me qeverinë kalimtare për rreth një vit pasi dështoi të formojë një qeveri dy herë pas zgjedhjeve parlamentare.
Kjo është hera e parë në histori që Izraeli ka një kryeministër që është paditur. Netanyahu flet për përpjekjen për grusht shteti dhe kritikon ashpër gjyqësorin izraelit, duke pretenduar se policia i vuri dëshmitarët nën presion. /tesheshi.com/
