Kryeministri izraelit Benjamin Netanyahu tha se Izraeli dhe Shtetet e Bashkuara kanë arritur një marrëveshje me vendet arabe për të ndaluar Iranin dhe programet e tij.
Këshilltari i Sigurisë Kombëtare të SHBA, Robert O’Brien u takua me Netanyahun si pjesë e një vizite zyrtare në Izraelm nga ku, kryeministri izraelit akuzoi autoritetet iraniane për mbështetjen e organizatave terroriste në të gjithë botën.
“Irani është një kërcënim për paqen në botë. Ne të gjithë duhet të bashkohemi për të eleminuar atë kërcënim,” tha Netanyahu.
Ai më tej tha se regjimi iranian duhet të ndalet, sepse përndryshe ai do të marrë bomba bërthamore dhe raketa balistike që do të kërcënojnë Evropën dhe Amerikën.
Me këtë rast, Netanyahu vlerësoi rolin e Shteteve të Bashkuara në normalizimin e marrëdhënieve që Izraeli ka arritur me Emiratet e Bashkuara Arabe, Bahreinin, Sudanin dhe Marokun.
“Politikat e Trump kanë gjetur mbështetje në Lindjen e Mesme. Izraelitët dhe arabët mirëpritën tërheqjen e SHBA nga marrëveshja më e keqe bërthamore. Tani Izraeli, Shtetet e Bashkuara dhe vendet arabe kanë arritur një marrëveshje për të ndaluar Iranin,” tha Netanyahu.
Këshilltari i Sigurisë Kombëtare të SHBA Robert O’Brien e përgëzoi Izraelin për hapat “trima” në procesin e normalizimit të marrëdhënieve me katër shtetet arabe.
“Të gjitha këto marrëveshje janë jashtëzakonisht të rëndësishme. Sidoqoftë, më e rëndësishmja është ajo e arritur me Marokun, e cila kultivon lidhje historike me hebrenjtë,” tha O’Brien. /tesheshi.com/
