Kryeministri izraelit ka reaguar ashpër ndaj sekretarit të përgjithshëm të OKB-së, duke e akuzuar atë për inkurajim të terrorit.
Reagimi i Netanyahu-t ka ardhur pas qëndrimit të mbajtur nga Ban Ki-Moon për planet izraelite për të ndërtuar shtëpi të reja në ngulimet ilegale në Bregun Perëndimor.
Ban Ki-Moon ka folur dje në takimin e Këshillit të Sigurimit për Lindjen e Mesme, ku i ka kritikuar hapur planet izraelite për ndërtimin e “150 shtëpive të reja në ngulimet ilegale në Bregun Perëndimor të pushtuar”.
“Ato ngrejnë me të drejtë pikëpyetje fundamentale mbi angazhimin e Izraelit për një zgjidhje me dy shtete,” ka thënë sekretari i përgjithshëm i OKB-së.
I menjëhershëm ka qenë reagimi i kryeministrit izraelit, Benjamin Netanyahu, që përmes një deklarate mbrëmjen e djeshme është shprehur se OKB-ja e ka humbur prej kohësh asnjanësinë e vet. Sipas tij, “komentet e sekretarit të përgjithshëm të OKB-së inkurajojnë terrorin”. /tesheshi.com/
