Jerusalem Post titullon numrin e sotëm: “Përse ajo e sotmja është seanca e pyetjeve më e rëndësishme e jetës së Benjamin Netanyahu-t?”.
Sot në mëngjes, kryeministri izraelit është pyetur për 5 orë nga prokurorët në kuadër të hetimeve që janë hapur ndaj tij dhe së shoqes, Sara.
Policia ka mbërritur në 8 të mëngjesit (sipas orës së Tiranës) në rezidencën zyrtare të kryeministrit Netanyahu në Jerusalema për të lajmëruar se duhet të shkonte me ta.
“Kam bërë gjithçka për të mirën e shtetit të Izraelit. Dhe do të vazhdoj ta bëj, do të vazhdoj të jem kryeministër. Unë e di çfarë ka ndodhur, pra asgjë jo ligjore”. Kështu Bibi, siç e thërrasin me përkëdheli është mbrojtur në TV. Ka kujtuar vëllain e tij, Yonathan që ka vdekur në Sayeret.
Ishte pjesë e forcave speciale në operacionin për të liruar pengjet në Entebbe të Ruanda-s në vitet ‘70 të shekullit të shkuar.
Policia ka nisur dy hetime për korrupsion, por tani për tani Bibi mund të vazhdojë të qeverisë. Për të shkuar deri në gjyq duhet të paktën 7 muaj. Ka mundësi që prokurori në fund ta mbyllë dosjen.
Netanyahu është kryeministri i dytë më jetëgjatë pas Ben Gurion; është i pari i lindur në Izrael pas brezit të themeluesve dhe i pari i vënë nën akuzë nga policia e shtetit.
Çështjet e hapura ndaj tij janë “dosjet: 1000”, “2000” e “3000”. Por policia i ka dërguar prokurorisë vetëm dy.
Çështja 1.000
Është akuza më e vogël edhe pse është bezdisëse. Në 10 vjet, dy biznesmenë i kanë bërë dhurata prej një milionë shekel (230 mijë euro). Shtëpi fshati, verëra, puro havaneze etj. Këtë e kanë bërë në këmbim të formave të kryeministrit. “Furnitori” numër një është Arnon Milchan, një producent kinematografik i Hollywood-it.
Ai ka prodhuar “Na ishte njëherë Amerika”, “Lufta e Rozëve”, “Pretty Woman”.
Përpara se të mbërrijë në SHBA ai ishte edhe një spiun i Izraelit dhe ka punuar me Shimon Peres në projektin bërthamor “Dimona”.
Edhe Milchan është nën akuzë si korruptues .
Kryeministri ndërhyri direkt për ta ndihmuar në SHBA, ndërkohë që bëri thirrje për uljen e taksave për milionerët që vijnë në Izrael, por ligji u rrëzua nga Ministria e Financave.
Çështja 2.000
Këtu Netanyahu ka rënë dakord me botuesin e Yedioth Ahronoth, një gazetë e rëndësishme e së djathtës, që të marrin masa që rëndojnë kundërshtarin e tij, Israel Hayom, një gazetë liberale.
Netanyahu bëri gati të ndalojë gazetën Free Press të dalë të shtunave ose të ndalonte shpërndarjen në stacionet e karburanteve apo supermerkatave.
Çështja 3.000
Për çështjen e tretë policia po zhvillon ende procedura. Bëhet fjalë për blerjen e nëndetësve gjermane “Dolphins” nga Izraeli.
Kryeministri akuzohet se ka marrë rryshfet për të zgjedhur kompaninë gjermane.
Sasia e rryshfetit ka qenë e madhe, por më e madhe është krimi, pasi të marrësh rryshfet për një çështje që rrezikon sigurinë e Izraelit dënohet maksimalisht nga Kodi Penal izraelit.
Në shtatorin e vitit 2017 policia ka arrestuar ish-shefin e kabinetit të kryeministrit dhe ish-avokatin David Sharan. Së bashku me të janë ndaluar edhe ish-kreu i marinës izraelite, ish-komandanti i një njësie si dhe ish-ministri i Mbrojtjes.
Hetimi po ecën përpara me mijëra vështirësi. Policia e ka bërë Sharan një të penduar.
Çështja 4.000
Ish-zëdhënësi i Bibi Netanyahu-t, Nir Efez, dhe drejtori i Përgjithshëm i Ministrisë së Transporteve, Shlomo Filber, janë arrestuar nga policia për “Çështjen 4000”. Policia ka ndaluar 7 persona të lidhur me kompaninë telefonike izraeliane “Bezeq”.
Policia dyshon se ka pasur shkëmbime beneficesh nga Ministria e Transporteve dhe kompania Bezeq, pronarët edhe të portalit Walla.
Dyshimi është se pasi ka përfituar aksionisti më i madh i “Bezeq”, Shaul Elovitch, Netanyahu është favorizuar nga media e tij Walla. /tesheshi.com/
