Kryeministri izraelit, Benjamin Netanjahu tha se do të punojë për mbylljen e zyrës së Al-Jazeera në Jeruzalem, duke akuzuar televizionin me bazë në Katar për nxitje të dhunës në qytet.
Jeruzalemi po përjeton një nga periudhat më të tensionuara në vite ndërsa protestat palestineze kundër masave të shtuara të sigurisë nga ana e Izraelit në afërsi të kompaundit të al-Aqsa, nuk ndalen.Ngjarjet kanë kapur titujt e medias dhe janë mbuluar gjerësisht në shtypin ndërkombëtar, përfshirë edhe rrjetin al-Jazeera.
“Rrjeti al-Jazeera vijon të nxisë dhunë rreth malit Tempull”, shkroi Netanjahu në faqen e tij të Facebook-ut në gjuhën hebreje. “Kam biseduar disa herë me zyrtarët e zbatimit të ligjit duke kërkuar mbylljen e zyrave të al-Jazeera në Jeruzalem. Nëse kjo nuk ndodh për shkak të interpretimeve ligjore, do të punoj për shfuqizimin e ligjeve të cituara për të dëbuar al-Jazeera nga Izraeli”, shtoi lideri izraelit. /tesheshi.com/
