Kryeministri izraelit Benjamin Netanjahu mbërriti në një vizitë të papritur në Oman, vizita e parë kjo e një zyrtari të lartë izraelit që nga viti 1996.
“Kryeministri i Izraelit dhe gruaja e tij vizituan Omanin ku u takuan me Sulltan Qaboos bin Said“, u tha në një deklaratë nga kabineti i Netanjahut.
Vizita u konsiderua ai “një hap i rëndësishëm” drejt zbatimit të politikës së Netanjahut për thellimin e marrëdhënieve dypalëshe, ekonomike dhe në të tjera fusha, me vendet e “moderuara” arabe.
Në një deklaratë të përbashkët të lëshuar pas takimit, thuhet se të dy udhëheqësit diskutuan “mënyrat për të përmirësuar procesin e paqes në Lindjen e Mesme dhe një numër çështjesh me interes të përbashkët”.
Pas pak ditësh, shefi i qeverisë së Tel Avivit pritet të vizitojë dhe Tiranën. Media izraelite i ka bërë jehonë kësaj vizite, duke potencuar faktin e një vendi me shumicë muslimane, që ka bërë shumë për hebrenjtë gjatë Luftës së Dytë Botërore. /tesheshi.com/
