Duke folur për ofensivën e vitit të kaluar në Gaza kryeministri izraelit Benjamin Netanjahu tha se “të vërtetën e saktë” e tregon raporti i papërfunduar i përpiluar nga “gjeneralët në pension të Perëndimit”.
Kryeministri izraelit, Benjamin Netanjahu sot kritikoi raportin e pritshëm të OKB-së në lidhje me ofensivën izraelite të vitit të kaluar në Rripin e Gazës, duke e quajtur atë “humbje kohe”.
Duke folur për ofensivën në Gaza që zgjati gjatë gjithë verës së kaluar, kryeministri izraelit tha se “të vërtetën e saktë” e tregon raporti i papërfunduar i përpiluar nga “gjeneralët në pension të Perëndimit”.
Në dokumentin e qeveris izraeliane, siç pretendohet, thuhet se Izraeli ka bërë gjithçka për të shmangur viktimat njerëzore dhe se fraksioni palestinez Hamas ka përdorur civilët si mburoja njerëzore.
“Ata që duan të dinë të vërtetën duhet të lexojë raportin tonë. Kush dëshiron akuza të pabaza kundër Izraelit, le të shpenzojë kohën e tij duke lexuar raportin e OKB-së. Nga ana jonë, ne do të vazhdojmë të mbrojmë trupat tona dhe ata do të vazhdojnë për të na mbrojtur ne”, tha Netanjahu.
Gjatë ofensivës izraelite në Gaza vitin e kaluar u vranë më shumë se 2 200 palestinezë, kryesisht civilë, ndërsa në anën e Izraelit humbën jetën 73 ushtarë.
Këshilli i të Drejtave të Njeriut i OKB-së në ditët e ardhshme do të publikojë raportin e vet rreth kësaj ofensive.
