Izraeli po “refuzon vendosmërisht” presionin për të mos ndërtuar në Jeruzalem, tha kryeministri izraelit Benjamin Netanyahu sot, pas disa ditësh trazirash dhe dënimi të shtuar ndërkombëtar për dëbimet e planifikuara të palestinezëve nga shtëpitë në qytet, për të cilat hebrenjtë thonë se është i tyre.
Tensionet në zonën Sheikh Jarrah të Jeruzalemit Lindor të okupuar janë kthyer në konflikte të përditshme dhe Uashingtoni tha të shtunën se ishte “thellësisht i shqetësuar” dhe u kërkoi autoriteteve izraelite “t’u afroheshin banorëve me dhembshuri dhe respekt”.
Jeruzalemi Lindor është ndër territoret që palestinezët i shohin në shtetin e tyre të ardhshëm.
Por Izraeli e konsideron të gjithë Jeruzalemin si kryeqytetin e tij, status nuk njihet nga bashkësia ndërkombëtare.
“Ne po hedhim poshtë presionin për të mos ndërtuar në Jeruzalem. Për keqardhjen time, ky presion është rritur kohët e fundit,” tha Netanyahu gjatë një fjalimi televiziv përpara përkujtimit shtetëror të pushtimit nga ana e Izraelit të Jeruzalemit Lindor në luftën e 1967.
“Unë gjithashtu u them miqve tanë më të mirë: Jeruzalemi është kryeqyteti i Izraelit dhe ashtu si çdo komb ndërton dhe zgjerohet në kryeqytetin e tij, ne kemi të drejtë të ndërtojmë Jeruzalemin. Ne e kemi bërë dhe do të vazhdojmë ta bëjmë këtë,” shtoi Netanyahu, raportoi Reuters.
Tensionet në Jeruzalemin Lindor u përshkallëzuan në përplasje midis policisë izraelite dhe palestinezëve rreth Al-Aqsa, xhamia e tretë më e shenjtë islame.
Netanyahu tha se Izraeli lejon lirinë e fesë, por se “nuk do të lejojë asnjë element ekstremist të prishë paqen në Jeruzalem”.
“Ne nuk do të lejojmë dhunë,” tha Netanyahu.
Në dy netët e kaluara, janë raportuar përplasje të ashpra në Jeruzalem në të cilat qindra palestinezë janë plagosur në ndërhyrjet e forcave izraelite të sigurisë. /tesheshi.com/
