Moska është gati të ndihmojë Greqinë dhe t`i japë një dorë në lidhje me marrëveshjen e gazit. Lajmi është bërë i ditur ditën e sotme në të përditshmen ruse “Kommersant”, e cila citon edhe kolosin e metanit, Gasprom, në vigjilje të vizitës së kryeministrit grek Alexis Tsipras në Rusi.
Një burim i qeverisë ka bërë me dije për gazetën se çmimi është vendosur në kontratë në bazë të çmimit të naftës, i cili gjatë muajve të fundit u ul së tepërmi. Kremlini konfirmoi takimin mes presidentit rus Vladimir Putin dhe kryeministrit grek Aleksis Tsipras, dje.
Shefi i qeverisë së Athinës përshpejtoi me një muaj vizitën në kryeqytetin e Rusisë, ku do të rikthehet ditën e festimeve për 70-vjetorin e fitores ndaj nazizmit, në 9 maj. Tsipras do të takohet në Rusi edhe me shefin e qeverisë, Kryeministrin Dimitry Medvedev. Në axhendën e bisedimeve përfshihen çështje si tregtia, turizmi dhe energjia. /tesheshi.com/
