Partia Demokratike ka reaguar ditën e sotme, duke akuzuar Erion Veliajn për korrupsion, në lidhje me rritjen e çmimit të biletës për transportin publik.
Bozdo i ka bërë thirrje qytetarëve që t’i rezistojnë kësaj afere korruptive, të refuzojnë të japin para për xhepat e Erion Veliajt dhe klientelës së tij
“Rritja e çmimit të biletës, nis nesër zbatimin dhe janë 6 milionë dollarë në vit që qytetarët do të paguajnë më shumë për xhepin e Veliajt dhe klientelës së tij. Duhet ta themi se shoqëritë e transportit urban kanë bërë përpjekje edhe më herët për ta rritur biletën e autobusit, por janë sprapsur nga kryetari i mëparshëm Basha”, u shpreh Bozdo.
Më tej ajo tha se, “ Me ardhjen e Veliajt, ata gjetën personin e duhur për këtë aferë që do të rëndojë në kurrizin e qytetarëve. Partia Demokratike, këshilltarët e saj në Bashkinë e Tiranës do të ndjekin çdo rrugë ligjore për ta ndalur këtë vjedhje, këtë gjobë korruptive të kryemashtruesit”. /tesheshi.com/
