Në orët e fundit po zhvillohen negociata frenetike në sallonet e politikës. Ndërkohë që Kryeministri Edi Rama, pas takimit me kreun e Parlamentit Ilir Meta dhe me një grup drejtuesish të PS-së, është takuar sërish me Petrit Vasilin, i cili siç duket ka sjellë “selamin” e kreut të LSI-së me kërcënimin permanent se do të tërheqë ministrat nga qeveria.
Por në këto orë ka pasur lëvizje të nivelit të lartë të politikanëve nga Brukseli dhe Berlini, si dhe nga diplomatët në Tiranë, që të sigurojnë një dialog mes kreut të mazhorancës dhe atij të opozitës.
Rama ftoi dje sërish Bashën për dialog dhe ky i fundit e pranoi zot zyrtarisht gjatë një fjalimi në çadrën që ka ngritur që prej 18 shkurtit.
Nëse do ndodhë kjo, do jetë i pari takim mes tyre në kaq vite prezencë dhe përballje politike. /tesheshi.com/
