Ministrat e Brendshëm të Bashkimit Europian do të miratojnë nesër vendimin për heqjen e vizave për qyettarët e Kosovës.
Ndërkaq, lajmin e mirë pritet ta japë “in personam” shefja e diplomacisë së BE-së, e cila të enjten do të vizitojë zyrtarisht Prishtinën.
Zyra e Kryeministrit të Kosovës ka dhënë në një njoftim për shtyp, konfirmimin e vizitës së Përfaqësueses së Lartë për Punë të Jashtme e BE-së, Frederica Mogherini.
Komisioni Evropian do të mblidhet nesër paradite për të dhënë rekomandimin për liberalizimin e vizave për Kosovën. Rekomandim, i cili pritet të miratohet pasdite nga 28 ministrat e Brendshëm të vendeve anëtare.
Zonja Mogherini, gjatë qëndrimit në Prishtinë, do të takohet me kryeministrin e Kosovës, Isa Mustafa.
“Kryeministri i Republikës së Kosovës, Isa Mustafa, pret të enjten në Prishtinë Përfaqësuesen e Lartë të BE-së për Punë të Jashtme dhe Politika të Sigurisë Zëvendëspresidente e Komisionit Evropian, Federica Mogherini”, thuhet në komunikatën e qeverisë.
Sipas njoftimit, “gjatë takimit, kryeministri Mustafa dhe zonja Mogherini do të diskutojnë për proceset eurointegruese të Kosovës dhe do t’iu adresohen qytetarëve të Republikës së Kosovës”.
/tesheshi.com/
