Nesër më 24 mars shënohet “Epopeja e Dukagjinit”, për të cilën, sikur çdo vit tjetër do të manifestohet me homazhe te dëshmorët e rënë në luftën e fundit në Kosovë dhe me program artistik.
Kryetari i Deçanit, Rasim Selmanaj ka bërë të ditur për mediat kosovare se se për këtë Epope është përkujdesur vetëm komuna e cila do t`i mbulojë të gjitha shpenzimet, derisa ka thënë se qeveria nuk i ka ndihmuar asnjëherë në këtë drejtim.
Në këtë manifestim, lideri i AAK-së, Ramush Haradinaj do t`iu drejtohet të pranishmëve me një video, pasi që këtë herë ai nuk mund të jetë prezent fizikisht në manifestim, pasi po mbahet “peng” në Francë me një flet-arrest të Serbisë.
Në ora 10:00 do të bëhen homazhe në Kompleksin Memorial të Dëshmorëve në fshatin Gllogjan dhe prej aty do të mbahet manifestimi i “Epopesë së Dukagjinit”, që shënon betejën e 24 Marsit të vitit 1998.
Në këtë manifestim pritet të marrin pjesë zyrtarë të partive të ndryshme dhe pjesëtarë të luftës së UÇK-së. /tesheshi.com/
