Kohë më parë, të gjithë ishim të fiksuar pas hobitit që jetonte në një vrimë nëntokë. Mirëpo, duke qenë qenie që si natyrë e kemi ndryshimin, shpejt kaluam tek djaloshi magjistar i Hogwarts e më pas tek Edward nga Twilight – listën e librave bestseller e ndjekim me përpikmëri. Librat bestseller janë gjithmonë pjesë të bisedave (dhe jo bisedave dosido). Por, pse i japim vetës vetëm gjysmë edukimi kur një botë e tërë informacioni shtrihet para nesh duke pritur të zbulohet?
Në e duam më të mirën në jetë, le të lexojmë për vetë jetën e jo vetëm librat bestseller.
Mos ndiq masën: lexo një varg librash
Ne i caktojmë vetës limite duke lexuar vetëm atë që masa e lexon. Kjo është sikur të dërgosh fëmijën në një shkollë që mësohet vetëm matematika; fëmijët do të përfitonin një edukim të cekët. Është shumë më mirë t’u ekspozohemi një vargu idesh (edhe atyre të rrezikshme), në mënyrë që vetë të vendosim cila është më e mira, në vend që të ndjekim masën. Bëhu dele ose bari. Cila është më mirë?
Të lexuarit e një vargu të gjerë librash na hap rrugën drejt idejave të reja dhe dijes së thelluar në fushat e caktuara. Ndryshe është të lexosh një artikull reviste ose të kërkosh në google për ndonjë temë, dhe shumë më ndryshe është të zhytesh thellë në një libër 300 faqësh të dedikuar të njëjtës temë.
Walt Disney e kishte kuptuar mirë këtë kur ka thënë: “Më shumë pasuri ka në libra se në arin e piratëve në Ishullin e Thesarit.” Librat janë të mbushura me thesare që presin të dalin në pah, me dije që pret të kumtohet. Duke lexuar, ne, në esencë, i edukojmë vetët tona, pa marrë parasysh se a lexojmë për teoritë e udhëtimit në kohë, shkencën e hortikulturës, marketingun e rrjeteve sociale apo idejat e Nicola Teslas.
Gjej kohë të lexosh përditë
Sa më shumë që ne lexojmë, aq më shumë do të lexojnë fëmijët tanë, thjesht sepse po u prezantojmë shembull atyre. Mund të lexojmë para gjumit dhe të zëvendësojmë kohën “aq të çmueshme” që e kalojmë në Facebook me një libër të mirë. Mund t’ia caktojmë vetës një 30-minutësh kohë leximi të lirë përditë – këtë mund ta bësh me ndihmën e pajisjeve teknologjike.
Andaj, mos u vetëmjafto vetëm me librat bestseller! Le t’i rezistojmë kësaj joshjeje për të kufizuar leximin tonë në atë raft të librave bestseller, kur ka kaq shumë libra aty jashtë që po presin për t’u eksploruar.
Dija është fuqi. Le të armatosemi gjer në dhëmbë! /tesheshi.com/
