Aspekti më i mprehtë në çështjen “Gjici” është abuzimi i tij me pozitën shtetërore si kryebashkiak; pra, nëse raporti i tij imoral jashtëmartesor, ndryshe kurvëri, ka qenë dhe amoral, d.m.th. abuzivist me fondet publike.
Për këtë arsye, pavarësisht se çfarë do nxjerrin hetimet, nëse vërtet ka bërë vepër penale në këtë drejtim, ai duhet ta pasojë aktin e dorëheqjes me një tjetër akt: të paguajë “nga xhepi” kostot e zgjedhjeve të pjesshme në Kukës.
Safet Gjici vjen nga bota e biznesit dhe, nëse gjithë pasurinë do e çonte për të paguar atë që pritet ta paguajë taksapaguesi, do ishte një gjest vërtet burrëror nga ana e tij që do ta zvogëlonte sadopak peshën e rëndë të aktit të tij në zyrën e shtetit.
Sa për aktin imoral, ai nuk ka pse përflitet më në raporte gazetareske. Mjaft të mendohet me humanitet në një çast që pas Safetit namkeq janë gruaja, fëmijët, pra familja e ngushtë, e cila nuk ka pse të paguajë paudhësinë e rëndë të njerit të tyre. Nëse do ekizstonte kjo qasje, as fotot e tij të aktit nuk duhen publikuar.
Ajo që ka bërë Safet Gjici mund të bëhet nga çdokush – rënia në mëkatin e kurvërisë, gjithnjë duke e gjykuar si tradhëtar bashkëshortor – por ai ka patur fatin e zi që turpi t’i bëhet publik. Dhe ai e ka marrë tashmë ndëshkimin e oponionit për imoralitetin e tij e nuk ka pse linçohet më pashpirtësisht. Tashmë, si çdo qënie, për atë që ka bërë do ketë një përballje me Zotin(pasi ta lërë këtë botë) dhe nëse shkon te Ai me pendim, ndëshkimi hyjnor do jetë për ata që ia publikojnë të turpin që ka bërë, duke e paguar me të njëjtën monedhë: Zoti do ju bëjë publike turpet e tyre, të cilat janë ndoshta më të rënda se të Safetit.
Safeti ka tashmë vetëm një përballje me ligjin nëse e ka shkelur pikërisht atë dhe së këndejmi i takon atij se çdo të bëjë me jetën e vet, si do e jetojë atë me njollën që i mbeti. Por ama, familjarët e tij nuk kanë pse paguajnë për njollën e njeriut të tyre. /tesheshi.com/
