Nëse krahina e Katalonjës do të shpallte pavarësinë dhe gjithçka do të merrte formë zyrtare, atëherë kjo krahinë do të kishte një Kombëtare shumë konkurente për trofe në futboll.
Në një situatë hipotetike, sikur gjithçka të zhvillohej sipas vullnetit të njerëzve të Katalonjës, formacioni i kësaj krahine, do të qe i denjë për tu përballur me pretendime në çdo trofe, europian apo edhe botëror.
Mediat në Spanjë kanë formuar 11- çen e krahinës, duke dhënë formacionin titullar. Në portë do të luante Kiko Kasija, portieri rezervë i Realit të Madridit.
Në krahun e djathtë të mbrojtjes, luan Hektor Bejerin i Arsenalit, në qendër Pike i Barcelonës dhe Bartra i Borusias së Dordmundit, ndërsa në të majtë, Zhordi Alba i Barcelonës.
Mesfusha gjithashtu do të kishte lojtarë mjaft të njohur. Buskets dhe Delofeu të Barcelonës, Fabregas i Celsit dhe Tiago Alkantara i Bajernit të Mynihut. Ndërsa në sulm, Mariano i Lionit dhe Keita Balde i Monakos. Formacioni është mjaft impresionues, krahasuar edhe me vetë Kombëtaren e Spanjës. E mbase thellë-thellë, pikërisht ky fakt mund të ishte një arsye e shtuar, për të mos pranuar pavarësinë e Katalonjës, krahinë që në fakt ka prodhuar dhe prodhon lojtarë klasi në futboll. /tesheshi.com/
