Nëse mendoni t’i kushtoni vetes një fundjavë pushimi para se të rifillojë puna apo shkolla me një shumë prej pak a shumë 350 eurosh, mund të udhëtoni në vendet më të bukura në Europë.
Amsterdam, Hollandë
Pjesa më interesante që mund të vizitoni është zona e biçikletave: mjafton të merrni një biçikletë me qera dhe mund të eksploroni një zonë të veçantë të Amsterdamit. Nuk duhen humbur edhe fushat me tulipanë si dhe mullinjtë e vjetër.
Hotelet në Amsterdam varjojnë në çmime por një i mirë me 4 yje shkon deri ne 80 euro nata (me dy vakte të përfshira). Pra nëse qendroni dy netë sëbashku me biletën e avionit nuk e kalon shumën prej 400 eurosh.
Berlin, Gjermani
Berlini është një vend multikulturor dhe ka shumë vende për të eksploruar. Në gjermani trenat janë shumë të lirë dhe nëse dëshironi të udhëtoni nëpër qytete të tjera europiane keni rastin më të mirë. Gjithashtu edhe në Berlin një hotel normal me 3-4 yje shkon deri në 80 euro nata.
Budapest, Hungari
Budapesti është një nga qytetet më të mëdha në Europë. Ai është i rrethuar prej lumit Danub dhe me një arkitekturë mbresëlënëse. Mund të jetë një alternativë për një fundjavë të paharrueshme.
Në përgjithësi çmimet janë shumë të ulta, madje një hotel shumë të mirë me 5 yje mund ta gjeni me vetëm 90 euro.
Kopenhagen, Danimarkë
Bëhet fjalë për një ndër qytetet më të qeta në Europë. Mos merrni biçikleta me qera se vendasit bezdisen nga turistët që shohin majtas-djathtas duke ngarë. Bëni një ecje deri tek statuja e Sirenës dhe shijoni perëndimin buzë detit.
Në Kopenhagen mund të gjeni hotele me çmime të ndryshme. Ndër më të mirët mbahet Crown Plaza me 5 yje që ofron dhe shoqërim falas nga dhe për në aeroport. Çmimi nuk thuhet!
Pragë, Çeki
Një qytet pot histori, arkitekturë dhe me rrugë me kalldrëma. Edhe në Çeki linjat hekurudhore janë shumë të lira: nga Praga mund të shkosh shumë shpejt dhe shumë lirë për në Vienë.
Në Pragë tek Hillton mund të rezervosh edhe me 90 euro nata dhe gjithashtu të mbledhësh pikë fluturimi për shumë kompani ajrore. /tesheshi.com/
