Nëse Anglia do e fitojë këtë Europian, pasi preku një finale të madhe pas kaq dekadash, që nga Botërori i 1966-ës, po në Wembely ku fitoi te vetmen Kupë Bote, kjo pamje do jetë sërish një mallkim i saj në dritëhijet e një fitoreje.
Penalltia që fitoi Sterling në shtesë, ardhur nga një inkursion i tij nga e djathta, u kontestua nga danezët jo për llojin e ndërhyrjes por për faktin se në një moment në fushë, pranë aksionit, u shfaqën dy topa.
Megjithatë, gjykimi, edhe pse iu drejtua sistemit WAR, vendosi që aksioni të konsiderohej i rregullt, për pasojë edhe penalltia, prej së cilës erdhi goli që çoi Anglinë në gjysmëfinale.
Por në ajër mbetet pikëpyetja e madhe: pse gjyqtari holandez Makellie nuk e ndaloi ndeshjen para penalltisë?
Sipas rregullave të lojës, gjyqtari duhet të kishte ndaluar aksionin.
Dhe pra, ka gjasa që një fitore e mundshme e anglezëve, të sjellë dy koiçidenca: e para që sërish arrihet në Wembely, si në ‘66-ën dhe e dyta që të jetë fitore e kontestuar.
Në finalen e ‘66-ës me Gjermaninë, fitorja angleze u arrit me një gol të dyshimtë të Horst, autor i tre golave në atë finale të madhe, ku koha e rregullt përfundoi 2 – 2, e shtesa më pas 4 – 2. Një prej golave të shtesës, i treti, ju kontestua nga gjermanët, me pretendimin se topi nuk ra brenda vijës fatale, por me kohë u vertëtua e kundërta.
Goli që për shumë vite mbeti shkak për debat në botën e futbollit, u bë i qartë që ishte i rregullt. /tesheshi.com/
