“Irani do të mbyllë ngushticën strategjikë të Hormuzit, në rast se SHBA-të dhe partnerët e saj nuk ndalen me kërcënime”, ka thënë komandanti ushtarak Hossein Salami.
Ngushtica e Hormuzit është një korridor nëpër të cilin transportohet 1/3 e naftës botërore.
“Në rast se amerikanët dhe partnerët e tyre rajonal dëshirojnë të kalojnë nëpër ngushticën e Hormuzit dhe të na kërcënojnë, ne nuk do të lejojmë hyrjen e tyre”, ka cituar për mediat shtetërore Salami, zv/komandant i Gardës Revolucionare.
Ai nuk ka precizuar se çfarë Irani nënkupton me kërcënim në këtë rast.
“Amerikanët duhet të marrin mësim nga e kaluara jo e largët”, ka thënë ai, duke aluduar në zënien e 10 marinarëve amerikanë, të cilët u futën brenda ujërave të Iranit, e që më vonë u liruan.
Salami tha se “amerikanët nuk mund ta bëjnë asnjë vend të botës të sigurt”.
Komandanti ushtarak dha këtë deklaratë pasi të hënën, udhëheqësi shpirtëror iranian Ajatollah Khameini, kishte kritikuar aktivitetet amerikan në botën arabe.
Irani dhe SHBA-të deri vonë nuk kanë pasur lidhje diplomatike, por tensionet janë zbutur pas nënshkrimit të marrëveshjes për programin nuklear Iranian. /tesheshi.com/
