![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Emigrantët në Serbi hyjnë më së shumti nga Maqedonia, thanë burime për agjencinë Anadolu. Shumë prej tyre ndjekin shinat hekurudhore apo shtigje nëpër male për të kaluar ilegalisht kufirin.
Sipas ministrisë së Brendshme të Maqedonisë, që nga fundi i qershorit rreth 16 519 persona kanë marrë statusin e azilantit në Maqedoni. Sidoqoftë, emigrantët kanë të drejtën të përdorin mjetet e transportit vetëm brenda 72 orëve nga marrja e statusit.
Përpara 30 Qershorit 2015, emigrantët nuk e kishin këtë të drejtë për të përdorur transportin publik. Madje, edhe ndihma e banorëve vendas konsiderohej mbështetje për kalim të paligjshëm kufiri.
Rreth 14 mijë emigrant ilegalë mendohet se ndodhen tashmë në Maqedoni.
Ndërsa në Beograd, me mijëra emigrantë mbërrijnë përditë dhe autoritetet thonë se tani përballen me problemin e strehimit të tyre. “Ata janë në rrugë, flenë dhe hanë në parqe e kanë nevojë serioze për ndihmë mjekësore”, thonë aktivistët e të drejtave të njeriut.
Por, udhëtimi i tyre nuk mbaron aty, pasi destinacioni final është Gjermania./tesheshi/
